Pas Francës, edhe Shtetet e Bashkuara janë shprehur të gatshme “të ndërmjetësojë lehtësimin e një kompromisi”, mes Bullgarisë dhe Maqedonisë së Veriut, i cili do t’i hapte rrugë nisjes zyrtare të bisedimeve me Shkupin dhe Tiranën. Një zëdhënës i Departamentit amerikan të Shtetit, thotë se “duke pasur parasysh rëndësinë e këtij procesi për vendet e rajonit dhe për Evropën, SHBA do të vazhdojë të ofrojmë mbështetjen tonë aty ku është e dobishme”. Zëdhënësi i DASH thotë se liderët e BE-së duhet ta kuptojnë rëndësinë e anëtarësimit të Maqedonisë së Veriut dhe Shqipërisë në BE për të forcuar sigurinë e Evropës. Sipas DASH, Maqedonia e Veriut dhe Shqipëria kanë hedhur themelet dhe tani është koha për t’i çuar ato përpara në fazën tjetër të procesit të anëtarësimit. . Të premten e kaluar parlamenti bullgar dha miratimin e tij për “propozimin francez”, duke lejuar kështu qeverinë që të heqë veton për avancimin e procesit të integrimit europian të Shkupit. Propozimi francez parashikon ndër të tjera përfshirjen në kushtetutë të të drejtave të shtetasve bullgarë në Maqedoninë e Veriut, apo dhe mosnjohjen prej saj të gjuhës maqedonase.