Cështja e përdorimit të dinarit serb në kosovë, ka vënë në sprovë marrëdhëniet e vendit me SHBA-në, por Amerika sidoqoftë, mbetet partneri më i rëndësishëm për raporte tregtare me Kosovën. Shtetet e Bashkuara të Amerikës përveçse një aleat strategjik për kosovën, janë edhe partneri kryesor për eksportin e mallrave kosovare në tregjet amerikane. Sipas të dhënave, në janar të këtij viti, vlera e mallrave kosovare të eksportuara me vende të ndryshme të botës arriti në 20.1 milionë euro, ose 33.4 për qind. Eksportet e mallrave me këto shtete kanë një shifër simbolike, mirëpo siç bën të ditur Agjencia e Statistikave të Kosovë, partneri më i rëndësishëm për eksport ishte SHBA-të me 14,6 për qind e pasuar nga Zvicra me 9,3 për qind dhe sipas KosovaPress bëhet fjalë për të dhënat e muajit janar 2024. Të dhënat nga Tregtia e Jashtme të Mallrave në Kosovë tregojnë se eksportet e Kosovës në vendet e BE-së arritën në 18,4 milionë euro, ose rreth 30,5% e eksporteve të përgjithshme, me një rënie prej 6,9%. “Partnerët kryesorë për eksportin e mallrave në BE ishin: Gjermania me 8,8%, Italia me 4,7%, Holanda me 3,1%, etj”. Ndërsa, importet e Kosovës nga vendet e BE-së ishin rreth 164,4 milionë euro, ose 43,3% e importeve të përgjithshme, me një rritje prej 10,1%.