Presidenti amerikan Donald Trump, tha të shtunën se besonte që Shtetet e Bashkuara do të "arritnin një marrëveshje" për Kubën. Komentet e tij erdhën disa ditë pasi kërcënoi me tarifa për çdo vend që furnizon Kubën me naftë. Trump përsëriti thirrjen e tij që Kuba të negociojë me Shtetet e Bashkuara. "Nuk ka pse të ketë një krizë humanitare", u tha Trump gazetarëve në bordin e Air Force One gjatë rrugës për në Florida. "Mendoj se ata ndoshta do të vijnë tek ne dhe do të duan të bëjnë një marrëveshje. Ata kanë një situatë shumë të keqe për Kubën. Ata nuk kanë para. Ata nuk kanë naftë. Ata jetonin me paratë dhe naftën e Venezuelës, dhe asgjë nga këto nuk ekziston tani."