SHBA ka si qëllim të kryejë sulme të reja mbi grupet e mbështetura nga irani në lindjen e mesme, tha këshilltari për sigurinë kombëtare në Shtëpinë e Bardhë pas sulmeve mbi fraksionet e lidhura me teheranin në irak, siri dhe jemen, këto ditët e fundit. SHBA dhe britania e madhe sulmuan shënjestrat e Huthit në Jemen, një ditë pasi ushtria amerikane goditi grupet e mbështetura nga teherani në irak dhe siri, në shenjë hakmarrjeje ndaj sulmit vdekjeprurës mbi trupat amerikane në jordani. “Ne kemi ndër mend të kryejmë sulme të tjera, të ndërmarrim hapa shtesë, të vazhdojmë të japim një mesazh të qartë se SHBA do të përgjigjet kur forcat tona sulmohen, kur njerëzit tanë vriten”, tha Jake Sullivan. Sulmet janë përshkallëzimet më të fundit në një konflikt që është përhapur në lindjen e mesme që nga 7 tetori, kur grupi palestinez Hamas sulmoi Izraelin nga rripi i Gazës, duke ndezur luftën. Përpjekjet diplomatike të administratës Biden për të ndaluar përhapjen e konfliktit në lindjen e mesme vazhdojnë ndërkohë, me kryediplomatin amerikan Antoni Blinken që rikthehet në rajon. Grupet e mbështetura nga teherani që kanë shpallur mbështetjen e tyre për palestinezët, po ndezin rajonin. Hezbollahu sulmon shënjestrat izraelite në kufirin libano-izraelit, milicitë irakiane kanë sulmuar forcat amerikane në irak dhe siri dhe Huthit kanë sulmuar anijet tregtare në detin e kuq e madje edhe vetë izraelin me raketa e dronë. Irani deri më tani ka evituar të marrë një rol direkt në konflikt edhe pse mbështet këto grupe. Pentagoni ka thënë se nuk do luftë me iranin dhe se nuk beson se edhe vetë ai e do këtë. Këshilltari për sigurinë kombëtare në shtëpinë e bardhë, nuk pranoi të përgjigjej nëse shba mund të sulmojë edhe shënjestra brenda iranit, dicka që ushtria amerikane e ka evituar me kujdes. Por ai tha se sulmet e të premtes ishin vetëm fillimi dhe jo fundi i përgjigjes amerikane, dhe se do të ketë hapa të tjerë, disa prej tyre janë parë deri më tani, të tjerë ndoshta jo...