Dokumente të panjohura më parë nga mbrojtja daneze tregojnë se Ministria e Mbrojtjes dhe udhëheqja e lartë ushtarake daneze tregojne se Shtetet e Bashkuara po përpiqeshin të bindnin kolegët danezë në Groenlandë të dorëzonin në mënyrë inforlame informacione në lidhje me instalimet ushtarake, portet dhe bazat ajrore që ndodheshin në ishill. Kështu raporton gazeta daneze Berlingske, e cila i referohet dokumenteve të vitit 2025, të Forcave të Armatosura dhe Ministrisë së Mbrojtjes së Danimarkës, të cilat i ka parë në një version të redaktuar për arsye të sigurisë kombëtare. Sipas gazetës, kontaktet dyshohet se kanë ndodhur brenda një intervali kohor prej një jave gjatë janarit të vitit 2025. Ministria, sipas gazetës, u informua menjëherë për shkak të “klimës strategjike” në lidhje me Groenlandën. Po ashtu u informua edhe e gjithë udhëheqja e lartë e mbrojtjes daneze, përfshirë Shefin e Mbrojtjes. Zhvillimet vijnë në një kohë kur presidenti amerikan Donald Trump ka deklaruar vazhdimisht gjatë vitit të kaluar se SHBA-të synojnë të marrin kontrollin e Groenlandës, duke përshkallëzuar së fundmi edhe retorikën.