Shtëpia e Bardhë thotë se Irani po lehtëson në mënyrë aktive në disa raste, sulmet me raketa dhe me dronë të kryera nga grupet e mbështetura prej tij mbi bazat ushtarake amerikane në Irak dhe Siri. Presidenti Joe Biden, ka udhëzuar ndërkohë departamentin amerikan të mbrojtjes të përgatitet për akoma më shumë sulme dhe të përgjigjet me vendosmërinë e duhur ndaj tyre. Zëdhënësi i shtëpisë së bardhë, Xhon Kirbi, tha se ka patur një rritje të sulmeve të tilla, gjatë javës së shkuar, dhe vecanërisht ditëve të fundit, por SHBA nuk do të lejojë që kërcënimet ndaj interesave të saj në rajon të mbeten pa përgjigje. Ai tha se SHBA beson se grupet e mbështetura nga rojat revolucionare të Iranit dhe qeveria iraniane, qëndrojnë pas këtyre sulmeve. Irani po ashtu mbështet edhe grupet militante të Hamasit dhe Hezbollahut.