Administrata e Biden njoftoi se do të nisë gradualisht të lejojë në SHBA dhjetëra mijëra azilkërkues të detyruar aktualisht të presin në Meksikë. Ajo thotë se javën e ardhshme do të nisë procedurat për rreth 25 mijë persona me raste aktive. Azilkërkuesve së pari do tu kërkohet të regjistrohen dhe të kalojnë një testi Covid-19, përpara se t`u lejohet hyrja përmes njërës prej tre pikave kufitare. Një masë e tillë përmbys politikat e shumë kritikuar të ish presidentit presidentit Donald Trump. Programi i tij I Protokollit të Mbrojtjes së emigrantëve u miratua në 2019, duke i penguar azilkërkuesve të ardhshëm hyrjen në Shtetet e Bashkuara. Në bazë të këtij programi, emigrantëve që hynin përmes kufirit jugor u kërkohej të prisnin në Meksikë teksa cështjet e tyre do të kalonin nëpër gjykatat e emigracionit në SHBA. Por në ditën e tij të parë në detyrë , Presidenti Joe Biden e përmbysi këtë politikë të paraardhësit. Biden e bëri të qartë se qeberia e SHBA është e përkushtuar për të rindërtuar një sistem të sigurt, të rregullt dhe njerëzor të emigracionit. Sekretari i Sigurisë Kombëtare Alejandro Mayorkas u shpreh se ky veprim i fundit është një hap tjetër në angazhimin tonë për të reformuar politikat e emigracionit që nuk përputhen me vlerat e kombit amerikan. Administrata e Biden-it planifikon të nisë punën me dy pika kufitare kalimi, secila prej të cilave do të punojë me 300 persona në ditë, ndërsa një pikë e tretë do të procesojë një numër më të vogël rastesh.