Sekretari amerikan i Mbrojtjes, Lloyd Austin i këroi Izraelit që të shmangë hapjen e një fronti të dytë lufte, kësaj here me grupin militant të Hezbollah. “Një luftë tjetër midis Izraelit dhe Hezbollahut lehtësisht mund të shndërrohet në një luftë rajonale me pasoja të tmerrshme për Lindjen e Mesme. Prandaj, deri më tani, diplomacia është mënyra më e mirë për të parandaluar përshkallëzim të mëtejmë”, tha Austin pas takimit që pati me ministrin e mbrojtjes së Izraelit. Ai shtoi më tej se SHBA po punon ngushtë me Izraelin për të arritur një marrëveshje për këtë situatë. Hezbollahu, që mbështetet nga Irani, ka sulmuar Izraelin pothuajse menjëherë pasi Hamasi ndërmorri më 7 tetor sulmin e armatosir që nxiti më pas luftën në Gaza. Që prej kësaj kohe, Izraeli dhe Hezbollahu kanë këmbyer zjarr pothuajse në baza ditore, duke detyruar që dhjetëra mijëra persona të zhvendosen në dy anët e kufirit. Luftimet janë përshkallëzuar javët e fundit, duke rritur frikën se ato mund të shndërrohen në luftë të gjerë.