Presidenti ukrainas, Volodymyr Zelensky, ka reaguar pas vendimit të presidentit amerikan, Joe Biden, i cili autorizoi Kievin për përdorimin e raketave amerikane me rreze të gjatë veprimi brenda territorit rus. Zelensky përmes një reagimi në rrjetet sociale, u shpreh ‘Shumë media po raportojnë se kemi marrë leje për të ndërmarrë veprime të tilla, por goditjet nuk kryhen me fjalë. Gjëra të tilla nuk njoftohen. Raketat do të flasin vetë’. Vendimi i SHBA, erdhi pas një periudhe të gjatë kërkesash nga Zelensky për heqjen e kufizimeve mbi përdorimin e raketave me rreze të gjatë veprimi, për të mundësuar sulme në territorin rus dhe pas vendosjes së 50 mijë ushtarëve koreanoverior në Kursk, për t’u përfshirë. SHBA, si furnizuesi kryesor i armëve për Ukrainën, ka ofruar pajisje dhe armë me vlerë rreth 55.5 miliardë dollarë. Ky vendim i SHBA mund të shënojë një pikë kthese në konflikt, duke e përshkallëzuar më tej përplasjen midis Ukrainës dhe Rusisë. Pas Shteteve të Bashkuara, Franca dhe Britania e Madhe, kanë lejuar Ukrainën përdorimin e raketave me rreze të gjatë veprimi SCALP dhe Storm Shadoë për të sulmuar brenda territorit rus.