Kryedemokrati Berisha, në një dalje për mediat këtë të premte u ndal te vendimi i DASH në lidhje me ‘non gratën’, për të cilën tha se nuk ka qenë kurrë nën këtë sanksionim, teksa shtoi se bashkë me familjen mund të udhëtojnë drejt Shteteve të Bashkuara të Amerikës. ‘Sali Berisha s'ka qenë kurrë non-grata. Shpallja non-grata bazohet në Konventën e Vjenës. Kurse dizenjimi për mos-hyrje në territorin e Shteteve të Bashkuara ka në bazë një ligj të Kongresit të Shteteve të Bashkuara, pra është ligj i brendshëm. Sali Berisha mund të hyjë në Shtetet e Bashkuara, dhe ky vendim është marrë për interesat e Shteteve të Bashkuara. Ky vendim nuk është vetëm për personin, por është dhe për familjen e tij.’ Teksa theksoi mbështetjen ndaj protestës së qytetarëve, Berisha e cilësoi festën e Partisë Socialiste si një provokim ndaj tubimit. Ai i bëri thirrje komunitetit ndërkombëtar të qëndrojë në krah të qytetarëve shqiptarë.