SHBA-të kanë kryer sulme të reja ndaj Iranit, pas një goditjes me dron ndaj një anijeje me flamur të Panamasë në Ngushticën e Hormuzit të shtunën. Komanda Qendrore e SHBA-së (Centcom) tha se goditi disa objektiva në të gjithë Iranin në përgjigje të drejtpërdrejtë ndaj "agresionit të vazhdueshëm" kundër anijeve tregtare. Në shenjë hakmarrjeje, Korpusi i Gardës Revolucionare Islamike (IRGC) i Iranit tha se ka lëshuar raketa dhe dronë drejt infrastrukturës amerikane në Kuvajt dhe Bahrein, në një deklaratë të ndarë për mediat shtetërore. Pas shkëmbimit të zjarrit, SHBA-të dhe Irani akuzuan njëra-tjetrën për shkelje të marrëveshjes së armëpushimit. Centcom tha në një deklaratë: “Iranit iu dha një shans për të respektuar marrëveshjen e armëpushimit, por zgjodhi të mos e bënte kur forcat e tij lëshuan një dron sulmues me një drejtim që goditi MT Kiku, një anije cisternë me flamur të Panamasë.