Njoftimi i Presidentit rusVladimir Putin për një pauzë treditore në luftën kundër Ukrainës, që përkon me 80-vjetorin e përfundimit të Luftës së Dytë Botërore, nuk u prit me duartrokitje në Bruksel. "Rusia mund t'i ndalë vrasjet dhe bombardimet në çdo kohë. Prandaj, nuk ka nevojë të presim deri më 8 maj”, u tha gazetarëve të martën një zëdhënëse e BE-së. Kritikët thonë se Kremlini duke përmendur "arsye humanitare" për premtimin e tij të fundit për armëpushim, thjesht përpiqet të fitojë simpatinë e Uashingtonit, pasi Presidenti i SHBA-së, Donald Trump, shprehu zhgënjim për sulmet e vazhdueshme të Rusisë ndaj Ukrainës. Kritika e Trumpit ndaj Moskës shënoi një ndryshim në ton nga kritikat e mëparshme verbale të presidentit amerikan ndaj homologut të tij ukrainas. Njoftimi i armëpushimit nga Rusia erdhi gjithashtu pas skenave të fundjavës së takimit të liderëve evropianë me presidentin ukrainas dhe një takimi mes Zelenskit dhe Trumpit në Vatikan.