Shtetet e Bashkuara të Amerikës kanë përgëzuar Altin Dumanin për shërbimin e tij të pashembullt si kryeprokuror I SPAK. Përmes një reagimi në rrjetet sociale, SHBA thekson se pret të ketë të njëjtin bashkëpunim dhe me drejtuesin e ri Klodian Braho. “Shtetet e Bashkuara përgëzojnë Altin Dumanin për shërbimin e tij të pashembullt si Kryeprokuror i SPAK. Integriteti dhe guximi i tij në mbajtjen e kriminelëve përgjegjës kanë forcuar bashkëpunimin mes Shteteve të Bashkuara dhe Shqipërisë, duke na bërë më të sigurt nga kërcënimi i krimit ndërkombëtar dhe trafikut të drogës. Ne presim me kënaqësi të vazhdojmë partneritetin tonë të fortë me Kryeprokurorin e ri të Posaçëm, Klodian Braho, në rolin e tij të ri në krye të SPAK.”, thekson ambasada e SHBA. Ndërkohë ambasadori I BE, Silvio Gonzato përgëzoi Brahon për detyrën e re ndërsa theksoi se SPAK ka rol thelbësor në luftën kundër krimit dhe korrupsionit.