Sekretarja e Shtypit e Shtëpisë së Bardhë, Karoline Leavitt, konfirmoi se Presidenti Donald Trump po shqyrton mundësinë e përdorimit të sulmeve ajrore për të adresuar situatën e tensionuar në Iran. “Një gjë që Presidenti Trump është shumë i mirë është që gjithmonë i mban të gjitha opsionet e tij në tryezë. Dhe sulmet ajrore janë një nga opsionet shumë, shumë të mundshme që janë në tryezë”, tha ajo ndërsa përsëriti dhe njëherë qëndrimin se diplomacia mbetet oposioni i parë i Uashingtonit. “Presidenti nuk ka frikë të përdorë forcën dhe fuqinë vdekjeprurëse të ushtrisë amerikane, nëse dhe kur e sheh të nevojshme.”, theksoi ajo. Pas një mesazhi fitoreje të lëshuar nga Udhëheqësi Suprem i Iranit më herët gjatë ditës, Leavitt tha se po manipulohen. “Ajo që po dëgjoni publikisht nga regjimi iranian është mjaft e ndryshme nga mesazhet që administrata po merr privatisht.”, vijoi sekretarja e shtypit e Shtëpisë së Bardhë.