Ushtria amerikane po përgatitet për mundësinë e operacioneve të qëndrueshme, disajavore kundër Iranit nëse Presidenti Donald Trump urdhëron një sulm, thanë dy zyrtarë amerikanë për Reuters, në atë që mund të bëhet një konflikt shumë më serioz sesa është parë më parë deri më tani mes vendeve. Zbulimi nga zyrtarët, të cilët folën në kushte anonimiteti, ngre rreziqet për diplomacinë që po zhvillohet midis Shteteve të Bashkuara dhe Iranit. Të dërguarit e SHBA-së, Steve Ëitkoff dhe Jared Kushner, do të zhvillojnë negociata me Iranin të martën në Gjenevë, me përfaqësues nga Omani që veprojnë si ndërmjetës. Sekretari amerikan i Shtetit Marco Rubio, paralajmëroi të shtunën se ndërsa preferenca e Trump ishte të arrinte një marrëveshje me Teheranin, "kjo duket se është shumë e vështirë për t'u bërë".