Presidenti Joe Biden dha lajmin e mirë se në shba janë administruar deri më tani 200 milionë doza vaksine ndërkohë që tani po punon për të ndihmuar edhe vendet e tjera që kanë nevojë për to. Shtetet e Bashkuara po punojnë për të siguruar vaksina për koronavirusin për vendet e tjera që kanë nevojë për to, u tha presidenti Joe Biden gazetarëve në Shtëpinë e Bardhë të mërkurën. Pasi njoftoi se Shtetet e Bashkuara kanë injektuar 200 milionë doza vaksinash kundër COVID-19, presidenti u pyet se si mund të ndihmohen vendet e tjera. "Kemi filluar përpjekjet për ta bërë një gjë të tillë. Kemi dhënë një sasi. Tani do të shohim se çfarë do të bëjmë me disa nga vaksinat që nuk po i përdorim. Ne duam të garantojmë që t’i dërgojmë ato në mënyrë të sigurt dhe shpresojmë të jemi në gjendje të ndihmojmë venden në gjithë botën”