Shtetet e Bashkuara do t'i japin Ukrainës informacione mbi objektivat e mundshëm të infrastrukturës energjetike që mund të goditen me raketa me rreze të gjatë veprimi, thellë brenda Rusisë, thanë dy zyrtarë për agjencinë e lajmeve Reuters, ndërsa po shqyrtohet mundësia nëse do t'i jepen Kievit armët që mund të përdoren në sulme të tilla. SHBA po u kërkon gjithashtu aleatëve të NATO-s të ofrojnë mbështetje të ngjashme, thanë zyrtarët amerikanë, duke konfirmuar detajet e raportuara për herë të parë nga Ëall Street Journal. Vendimi përfaqëson ndryshimin e parë të njohur të politikës që Presidenti Donald Trump ka miratuar që nga ashpërsimi i retorikës së tij ndaj Rusisë në javët e fundit në një përpjekje për t'i dhënë fund luftës më shumë se trevjeçare të Moskës në Ukrainën fqinje. Uashingtoni ka kohë që ndan informacione me Kievin, por Ëall Street Journal tha se tani do të jetë më e lehtë për Ukrainën të godasë infrastrukturën si rafineritë, tubacionet dhe termocentralet me qëllim që ta privojë Kremlinin nga të ardhurat që vijnë nga nafta. Trump ka ushtruar presion mbi vendet evropiane që të ndalojnë blerjen e naftës ruse në këmbim të marrëveshjes së tij për të vendosur sanksione të ashpra ndaj Moskës në një përpjekje për të ndaluar fondet për pushtimin e Ukrainës nga Rusia. Ky raportim vjen ndërsa Shtetet e Bashkuara po shqyrtojnë gjithashtu një kërkesë ukrainase për të marrë raketa Tomahaëks, të cilat kanë një rreze veprimi prej 2,500 km, mjaftueshëm sa për të goditur Moskën dhe pjesën më të madhe të Rusisë nëse lëshohen nga Ukraina. Ukraina ka zhvilluar gjithashtu raketën e saj me rreze të gjatë veprimi të quajtur Flamingo, por sasitë janë të panjohura pasi raketa është në prodhim të hershëm. Sipas zyrtarëve amerikanë të cituar nga Ëall Street Journal, miratimi për inteligjencë shtesë erdhi pak para se Trump të shkruante në mediat sociale, javën e kaluar, se Ukraina mund të rimarrë të gjithë tokën e saj të pushtuar nga Rusia, në një ndryshim të habitshëm retorik në favor të Kievit.