Donald Trump dhe Joe Biden u përballën për të fundit herë përpara zgjedhjeve në një debat televiziv. Edhe pse të dy kandidatët patën ato momentet e veta, duket se shefi I Shtëpisë së Bardhë këtë herë, doli më mirë falë një performance të tij pazakonshmërisht të qetë. Ky debat konsiderohej si njëri prej shanseve të fundit të presidentit republikan dhe rivalit të tij demokrat për tu afruar me publikun në mbarë Shtetet e Bashkuara. Të dy duket e kishin kuptuar mirë se sa shumë rrezikonin nëse humbisnin durimin. Trumpi këtë radhë, siaps ekspertëve, pati një sjellje shumë më presidenciale nga sa kujtojmë së fundi; ai ruajti qetësinë dhe përdori argument të njohura kundër rivalit të vet dhe priti radhën e tij për të folur. Bideni nga ana e tij nuk dukej aq I fjetur, dhe foli me pasion kundër politikave të presidentit aktual që calojnë sipas tij, duke përfshirë këtu menaxhimin e krizës së koronavirusit dhe cështjes së emigracionit. Raundi I kësaj here u përshkrua si shumë I ndryshëm nga debati I parë kaotik mes dy kandidatëve. Sipas J. Miles Coleman, analist zgjedhjesh në qendrën e Politikave pranë Universitetit te Virxhinias, Trumpi u shfaq shumë më I fokusuar tek mesazhi, dhe I shmangu përplasjet me moderatoren. Në sallën e debatit kishte rreth 200 pjesëmarrës të cilët para se të futeshin në sallë ishin kontrolluar për të garantuar që nuk kishin temperaturë. Të gjithë ishin të detyruar të mbanin maskë gjatë gjithë kohës. Pamjet: AFP