Pak ditë pasi Senati në Uashington votoi unanimisht për pranimin e vendeve nordike në NATO, trupat ushtarake finlandeze zhvilluan një stërvitje të përbashkët me marinën amerikane. Ndërkohë që Shtetet e Bashkuara tw Amerikws kanw blinduar të gjitha anët e Evropës Lindore. Luftanija amerikane “JU ES ES Kirsarxh” ndodhet në ujërat finlandeze jo shumë larg Rusisë, duke i dërguar Moskës një mesazh të ashpër ndërkohë që luftimet në Ukrainë vazhdojnë. Shtetet e Bashkuara po ashtu janë duke kryer më shumë stërvitje ushtarake me vendet baltike si Letonia dhe trajnojnë ushtritë e vendeve që kufizohen me Rusinë. Sekretari i Mbrojtjes Lloyd Austin tha gjatë në një konferencë për shtyp me ministrin letonez të Mbrojtjes Artis Pabriks në Riga, se Uashingtoni gjithashtu mund të vendosë më shumë trupa amerikane nëse është e nevojshme për të forcuar rajonin kundër çdo kërcënimi të mundshëm nga Rusia.