Kur ka kaluar më shumë se 2 vite nga agresioni I paprovokuar rus mbi Ukrainën, kjo e fundit vijon të gëzojë mbështetjen ndërkombëtare, për të përballuar forcat ruse. Pas miliarda dollar ndihma nga SHBA, në armatime dhe jo vetëm, tashmë Shtetet e Bashkuara do të dërgojnë një paketë të re ndihme ushtarake prej 125 milionë dollarësh në Ukrainë. Këtë e ka bërë të ditur për gazetarët zëdhënësi i Këshillit të Sigurisë Kombëtare, John Kirby. Sipas tij ky është kësti i 10-të i ndihmës për Kievin nga Uashingtoni, që kur Presidenti Joe Biden nënshkroi një shtesë të sigurisë kombëtare në prill. Paketa do të përmbajë raketa Stinger dhe municione artilerie dhe sisteme kundër blindave. Ndërkohë Ukraina tashmë ka nisur një offensive ndaj territorit rus, si masë për tu përballur me dialogun dhe marrëveshje të mundshme armëpushimi, pas zgjedhjeve presidenciale në SHBA.