Departamenti amerikan i shtetit miratoi shitjen e avionëve ushtarakë F-35 për gjermaninë, shoqëruar me municionet dhe pajisjet e lidhura për një kosto totale prej 8.4 miliardë dollarësh. Lajmi u konfirmua nga Pentagoni të enjten. Marrëveshja e mundshme për avionët e avancuar ushtarakë, erdhi pasi kancelari gjerman Olaf Scholz premtoi rritjen dhe forcimin e ushtrisë së vendit pas pushtimit rus të Ukrainës. Mes kontraktorëve kryesorë janë edhe Lockhet Martin dhe Rayetheon Technologies – tha Pentagoni. Ky i fundit ka njoftuar kongresin për shitjen e mundshme të enjten. Pavarësisht miratimit nga departamenti amerikan i shtetit, njoftimi nuk do të thotë se kontrata është nënshkruar apo se negociatat kanë përfunduar. Njoftimi për një shitje të mundshme armatimesh kërkohet nga ligji. Gjermania tha në mars të këtij viti se donte të blinte 35 avionë ushtarakë amerikanë F-35 për të zëvendësuar kështu flotën e vjetëruar të avionëve të saj bërthamorë, Tornado.