Ish-presidentit Trump i është shtuar një tjetër padi për trazirat e 6 janarit të 2021-it në Capitol Hill, ku mbështetësit e tij marshuan për të përmbysur rezultatet e zgjedhjeve presidenciale të 2020-ës. E dashura e një polici që humbi jetën gjatë sulmit, akuzon ish-shefin e Shtëpisë së Bardhë, Donald Trump se nxiti mbështetësit të marshonin drejt Kapitolit, duke krijuar dhunë dhe vrasje. E bërë e njohur për mediat si Brian Sicknick, paditi dy protestues të përfshirë në sulm dhe ish-presidentin Donald Trump. Padia civile, e paraqitur këtë të enjte në gjykatën federale të Uashingtonit, shton problemet e kandidatit për president për 2024-ën Sipas autoriteteve amerikane, 4 oficerë që iu përgjigjën sulmit vranë veten brenda 7 muajve; njëri nga protestuesit u qëllua për vdekje nga policia, një tjetër vdiq nga mbidoza e drogës prej stresit dhe 3 vdiqën nga zemra. Shumë njerëz u plagosën, duke përfshirë 138 oficerë policie. Komisioni Hetimor i Kongresit ka thënë se Trumpi ka cytur turmën për dhunë me fjalimet e tij. Këtë të premte bëhen dy vjet nga sulmi në Capitol Hill, duke u cilësuar si terrorizëm i brendshëm dhe dita më e zezë e demokracisë amerikane nga shumë studiues dhe politikanë. Pamjet: AFP