Rajone të tëra të Kinës janë goditur nga tajfuni Shaola, i cili ka mbërritur me erëra të forta dhe reshje të shumta, teksa autoritetet kanë raportuar të paktën një viktimë dhe disa të plagosur. Tajfuni Shaola shkaktoi rrëshqitje dheu herët këtë mëngjes në provincën e Guangdong, e cila ndodhet në jug të Kinës, ndërsa erërat e stuhishme goditën qytetin Shenzhen, Hong Kong dhe gjithashtu Makaon. Qendra financiare aziatike e Hong Kongut dhe provinca e populluar kineze e Guangdong anuluan qindra fluturime dhe mbyllën biznese, shkolla dhe tregje financiare, që para se tajfuni Shaola të afrohej. Erërat e forta frynë me shpejtësi më shumë se 200 kilometra në orë, ndërsa Super Tajfuni Shaola u regjistrua si më i fuqishmi nga ngjarjet ekstreme të motit që goditi provincën e përmendur kineze që nga viti 1949. Sipas autoriteteve kineze, Shaola u shndërrua në një tajfun shkatërrues, edhe në qytetin Zhuhai, me erëra që arrinin shpejtësinë rreth 160 kilometra në orë dhe rrëshqitje dheu e përmbytje.