Largimi I Besa Shahinit nga posti I ministres së arsimit, dhe pikërisht në ditën e parë të vitit të ri shkollor, ngjalli reagime te shumta, por edhe kureshtje per arsyet e nje levizjeje te tille. Duke folur në “Open”, Shahini u perpoq ta minimizonte rëndësinë e këtij largimi, duke treguar se nuk kishte qene dicka e menjehershme. Në fillim të korrikut kemi filluar një bisedë me kryeministrin, ku i thashë se nësë nuk mund të vazhdohet për një mandat tjetër, më mirë të jetë dikush tjetër. Kërkova lirimin, por isha e gatshme të punoja deri në zëvendësimin tim. Nuk ishte dorëheqje e menjëhershme, i lashë lirinë Ramës të zgjidhte.Kam kërkuar të lirohem në fillim të korrikut, kemi diskutuar që mund të jetë në fund të shtatorit. Pse ditën e parë , mendoj që duhet të pyesni kryeministrin për këtë, sepse për ditën e parë të shkollës kemi kohë që punojme. Është marrë një vendim dhe është zbatuar sot, nuk ka simbolik largimi i sotëm.