Avokati i Popullit, Endri Shabani, vizitoi protestuesit e shoqëruar në polici pas përplasjes tek Kuvendi. Ai tha se institucioni që drejton ka nisur një hetim mbi sjelljen e efektivëve, ndërsa u shpreh I shqetësuar nga pamjet se si protestuesit u ndaluan. Ne kemi nisur një hetim për sjelljen e Policisë së Shtetit. Arsyeja përse erdhëm këtu, ishte dhe për të parë a u garantohen të drejtat këtu, por para se të vinin këtu, ishin aty, dhe e drejta për të protestuar është e drejtë kushtetuese. Jemi shumë të shqetësuar për videot që kemi parë. Në vlerësimin paraprak është një sjellje shproporcionale e Policisë së Shtetit. Do ta hetojmë, dhe do rekomandojmë masa nga i pari të zinxhiri i fundit i vendimmarrjes. Kush e ka dhënë vendimin, si është bërë ndërhyrja, sepse e drejta kushtetuese për të protestuar nuk mund të kufizohet as nga sjellja e një punonjësi policie, as nga urdhrat e drejtuesve të policies Lidhur me rastin reagoi dhe Komiteti Shqiptar i Helsinkit (KShH) që po ashtu ka shprehur shqetësim për përdorimin e forcës fizike nga ana e policisë ndaj protestuesve. Komiteti I Helsinkit thotë se protestat që po zhvillohen prej 30 ditësh në Tiranë, kanë qenë përgjithësisht paqësore dhe ndërhyrja e Policisë duhet të jetë proporcionale.