Një milici palestineze me 300 anëtarë është shfaqur në Gaza, duke synuar çlirimin e Rripit nga Hamasi, dhe tani thotë se ka mbështetjen e Izraelit. Grupi, që e quan veten Forcat Popullore, vepron në Rafahun lindor nën udhëheqjen e Yasser Abu Shabab, një beduin rreth të tridhjetave që ka kaluar vite në burgjet e hamasit për aktivitete kriminale, para se sulmi i 7 tetorit në Izrael, ta nxirrte atë nga qelia. Sipas Euroneës, grupi i Abu Shabab u shfaq për herë të parë në qershor 2024. Forcat Popullore, që njihen edhe me emrin Shërbimi Anti-Terror, e përshkruajnë veten si thjesht "vullnetarë nga populli" që mbrojnë ndihmat humanitare nga "plaçkitja, korrupsioni dhe vjedhja e organizuar" nga grupet e lidhura me Hamasin.