Donald Trump duket se po shkon drejt fitores në zgjedhjet paraprake republikane në Ajoua. Një sondazh i fundit e vendos atë në krye të garës me një avantazh prej 28 pikësh ndaj rivales më të afërt, Nikki Haley. Ish guvernatorja e Karolinës së Jugut është në fakt e dyta, para Ron DeSantis në vendin e tretë. “Do të fitojmë. Shkoni të votoni dhe do të shpëtoni Amerikën”, i tha Trump mbështetësve të tij që kanë sfiduar edhe acarin polar për ta dëgjuar atë tubimin e fundit elektoral në këtë shtet. Nëse të dhënat e sondazheve do të konfirmohen, atëherë ish presidenti do të bënte histori pasi asnjë kandidat nuk ka fituar me një marzhin kaq të madh. “Haley nuk është në lartësinë e detyrës së presidentit, nuk është e fortë sa duhet”, tha Trump duke premtuar më pas se do ti japë fund pushtimit të emigrantëve dhe do tia rrëmbejë demokratëve shtëpinë e bardhë. Por ndërkohë, moti i keq dhe i ftohti polar që ka zbritur mërkurin në termometër deri në -30 gradë celcius në Ajoua, është shqetësues pasi mund të mbajë shumë anëtarë të partisë republikane në këtë shtet, larg kutive të votimit.