Sezoni veror ka shtuar ndjeshëm fluksin në pikat kufitare në hyrje të Shqipërisë duke ndikuar në këtë këtë shtim të numrit në hyrje të turistëve dhe shtetasve shqiptarë që janë rezident në vende të ndryshme të Bashkimit Europian. Sipas të dhënave zyrtare nga autoriteti portual në Durrës, vetëm në këtë pikë, në 24 orët e fundit kanë hyrë rreth 4300 persona. Edhe pse në të tilla kushte, me një nr kaq të lartë të personave që po hynë në territorin shqiptar ,duket se janë marrë të gjitha masat për të përballuar fluksin e një sezoni veror si ky, ku pritshmeria është shumë e madhe duke qëne se jemi edhe ne periudhen postpandemi. Arsyeja kryesore e atyre që hyjnë në vend përmes trageteve që lidhin Italinë me Shqipërinë në linjat Bari-Durrës dhe Ankona-Durrës është turizmi, po ka dhe persona të tjerë që vijnë në Shqipëri për arsye pune ose arsye të tjera.