Të majtët kanë ndezur motorrët për sezonin e ri politik. Shefi i ekzekutivit, Edi Rama pritet të mbledhë grupin parlamentar dhe ministrat e kabinetit qeveritar, të enjten e 3 shtatorit në Pallatin e Brigadave Takimi vjen pak ditë para fillimit të sesionit të ri parlamentar. Më 8 shtator ligjvënësit do të rikthehen në ulëset e kuvendit për të ccelur sezonin e ri politik, që pritet të sjellë një sërë risish, qoftë në pikëpamje të hartës së re administrative-territorial, kodit elektoral dhe po ashtu edhe në kuadër të përafrimit të legjislacionit me direktivat e unionit europian. Në mandatin e katërt qeverisës, qeveria ‘Rama’ po përballet me një valë protestash, më rezistentet në historinë e vendit. Si përgjigje ndaj revolucionit të flamingove, Rama solli dy dokumente strategjike ‘Besa’ dhe ‘Prania Besnike’, përmes së cilave synon të ketë një ndryshim në komunikimin me qytetarët. Po ashtu në mbledhjen e formatit ‘Retreat’ të mbajtur në Pogradec pak ditë më parë, Rama prezantoi platformën ‘Pasqyrë Albania’, e cila do të funksionojë e ndarë në dy pjesë. Pjesa e parë e quajtur ‘Flamingo Mirror’ ku do të grumbullohen shqetësimet e qytetarëve dhe pjesa e dytë e quajtur ‘Radar’ ku do të gjurmohet adresimi i tyre nga institucionet shqiptare.