Miliona rusë u përfshinë nga paniku pasi iu kërkua ti drejtoheshin bunkerëve pasi një sulm me raketa do të ndodhte...por në të vërtetë, stacionet radiofonike që shpërndanë alarmin, ishin hakeruar... Mesazhi i emergjencave u transmetua nga shumë stacione komerciale radioje në qytetet në të paktën katër zona kohore në Rusi. Programet e tyre ndërpriteshin dhe gjëmonte alarmi, me një zë që paralajmëronte. : Alarm ajror, alarm ajror. Të gjithë shkoni në bunkerë menjëherë. Ka një kërcënim për sulm me raketa”. Mes qyteteve të prekura ishin Belgorodi, pranë kufirit ukrainas që në të vërtetë është vendosur disa herë në shënjestër, si edhe Stary Oskol, Ufa, Kazan, Novosibirsk etj. Disa nga autoritetet lokale fajësuan ukrainën për sulmin e hakerave, por nuk është e qartë ndërkohë se kush janë përgjegjësit.