Këto janë pamjet e siguruara të një sherri në grup mes disa nxënësve të Gjimnazit “Shejnaze Juka”, në Shkodër që përfundoi me plagosjen e 3 prej tyre, këtë të premte. Kamerat e bizneseve kanë kapur momentin ku rreth 15 nxënës janë përfshirë në një sherr jashtë ambienteve të gjimnazit, ku një pjesë e tyre janë pajisut edhe me doreza hekuri. Policia saqroi përmes një njoftimi se, sherri nisi “rreth orës 11:10, në lagjen ‘Kongresi i Përmetit’, për motive të dobëta në rrugë, duke përdorur mjete prerëse, mes tre personave, dy prej tyre vëllezër. Të tre këta shtetas kanë marrë plagë dhe ndodhen në spital, jashtë rrezikut për jetën. Ky është një rast i përsëritur, vetëm disa ditë pas tragjedisë së shënuar në Durrës, ku në konfliktin mes dy adoleshentëve, ndërroi jetë njëri prej tyre. Sakaq, vetëm dy ditë më parë Gjykata e Tiranës, dënoi më 16 vite burg Mario Përlleshajn, autorin e vrasjes së Martin Canit, pas një sherri pranë gjimnazit ‘Fan Noli’.