Pak ditë pas emërimit të 12 drejtorëve të policisë në qarqe, drejtori i policisë së shtetit Ilir Proda ka zëvendësuar edhe disa nga zv.drejtorët në qarqe. Bëhet me dije se Oligert Torba, shefi i komisariatit të Kamzës është emëruar zv/drejtor në Drejtorinë e Qarkut Fier. Hajri Kushe ish-zv/drejtori i qarkut Shkodër ka marrë postin e zv/drejtorit në qarkun e Korçës, ndërsa Bedri Hasanaj është transferuar zv/drejtor qarku në Durrës. Sakaq shefi i komisariatit të Shkodrës, Idriz Daulle, është transferuar në Drejtorinë e Policisë së Tiranës. Erion Ismaili, do të kalojë zv drejtor i hetimit të krimit Tiranë, ndërsa të njëjtin post por në Vlorë do ta marrë Klodian Kondi. Pritet të ketë edhe emërime të tjera brenda strukturave të policisë, ku disa prej tyre mund të shkojnë si specialist të thjeshtë në Drejtorinë Qëndrore të Policisë, ndërsa disa të tjerë mund të transferohen në Akademinë e Policisë. Një javë më parë u emëruan drejtorët e 12 qarqeve duke nisur me Elton Alushin në Tiranë, Skënder Hitaj në Fier, Vilson Bala në Durrës, Gentian Berberi në Kukës, Altin Mena në Lezhë, Elidon Çela në Vlorë, Altin Merizaj në Gjirokastër, Fatmir Hoxha në Elbasan, Luigj Vathi në Berat, Artion Duka në Dibër, Erion Ahmeti në Korccë dhe Fatmir Lleshaj në Shkodër.