Goditet një tjetër rast në fushën e dhënies së ndihmës shtetasve të huaj për kalim të paligjshëm të kufirit, kundrejt shpërblimit. Njw person u arrestua, pasi transportonte 28 emigrantë të paligjshëm. Strukturat për Hetimin e Krimeve në Korçë, në bashkëpunim me Policinë Kufitare, në vijim të operacionit policor tw koduar "Perimetri", kanë goditur një rast tjetër të aktivitetit kriminal në fushën e dhënies ndihmë shtetasve të huaj për kalim të paligjshëm të kufirit kundrejt shpërblimit. Si rezultat i të cilit u bë kapja dhe arrestimi në flagrancë i shtetasit me inicialet D. D., 27 vjeç, banues në Tiranë. Shtetasi i mësipërm, u kap në lagjen nr. 3, Pogradec, nga punonjësit e Policisë Rrugore, duke transportuar me mjetin furgon tip “Benz” në drejtim të Tiranës, 28 emigrantë të paligjshëm të cilëve kundrejt fitimit prej 100 euro secilit iu kishte premtuar kalimin drejt vendeve të BE-së.