Rishi Sunak është zgjedhur unanimisht Kryeministri i ri i Britanisë së Madhe pasi të gjithë kandidatët e tjerë u tërhoqën nga gara duke ofruar kështu një moment të rrallë bashkimi për partinë konservatore. Ai iu drejtua deputetëve të partisë së tij me një fjalim të fuqishëm duke kërkuar që konservatorët të shmangin zgjedhjet e përgjithshme të parakohshme. Sunak paralajmëroi haptazi deputetët se partia Konservatore po përballej me një "kërcënim ekzistencial" dhe kërkoi fundin e dramave dhe përplasjeve politike brenda partisë. “Nuk ka më vend për rrëmujë, është koha për t'i dhënë fund dramës dhe për të vazhduar me qeverisjen. Ka ardhur koha për t'i dhënë fund politikës personale. Tani ne duhet të përmbushim atë që premtojmë. Prioriteti i tij i parë është të stabilizojë ekonominë dhe më pas të mbajmë të gjitha premtimet e tjera”.