Presidentja Vjosa Osmani ngriti alarmin në Bruksel se Serbia po planifikon sulme të tjera në territorin e Kosovës. Para samitit të Bashkimit Europian me Ballkanin Perëndimor, Osmani u shpreh se së bashku me liderët europianë duhet të merren masa që Beogradi të mos destabilizojë rajonin. “Sipas informacioneve që ne kemi, Serbia po planifikon sulme të reja. Unë do të informoj të gjithë liderët evropianë për informacionet që institucionet tona të sigurisë kanë mbledhur së bashku me partnerët, sepse këto janë alarme të cilat të gjithë ne së bashku duhet t’i marrim shumë seriozisht dhe të veprojmë si preventivë, në mënyrë që Serbia të mos lejohet më ta destabilizojë rajonin” Osmani kërkoi heqjen e sanksioneve të Bashkimit Europian të vendosura ndaj Kosovës dhe ndëshkimin e Serbisë pas agresionit të 24 shtatorit në Banjskë.