Ambasada e Britanisë së Madhe në Beograd ka deklaruar se është informuar për arrestimin në Serbi të shtetasit të saj Sadik Duraku, me origjinë nga Kosova. Ambasada Britanike është shprehur për Radio Evropa e Lirë se po ofrojnë ndihmë konsullore. Sadik Duraku nga Gjakova me nënshtetësi britanike, u arrestua në Serbi më 17 prill nën dyshimin se ka kryer krime lufte, ndërsa ndodhet në paraburgim prej 30 ditësh, ka konfirmuar Ministria e Punëve të Jashtme e Kosovës. Sipas Ministrisë së Jashtme, Gjykata e Lartë për Krime Lufte në Beograd ka vendosur më 19 prill që Sadik Durakut t’ia caktojë masën paraburgim prej 30 ditësh.