Zgjedhjet e parakohshme parlamentare në Serbi do të mbahen më 25 tetor, ka njoftuar të martën presidenti i vendit, Aleksandar Vuçiç. Njoftimi i tij erdhi një ditë pasi, Qeveria miratoi propozimin e kryeministrit Gjuro Macut për t’i dërguar letër presidentit për të shpërndarë Kuvendin. Presidenti serb tha se fushata zgjedhore do të zgjasë 46 ditë, dhe se do të pranonte rezultatet e zgjedhjeve, cilatdo qofshin ato. ligji përcakton që zgjedhjet parlamentare shpallen nga presidenti i shtetit dhe se nga dita e shpalljes së tyre deri në ditën e mbajtjes së zgjedhjeve nuk mund të kalojnë më pak se 45 ose më shumë se 60 ditë. Prej majit 2025, studentët kanë protestuar dhe kërkuar zgjedhje të parakohshme. Në këto protesta është kërkuar përgjegjësi për vdekjen e 16 viktimave në incidentin në Stacionin Hekurudhor në Novi Sad në nëntor të vitit 2024. Përfaqësuesit e pushtetit kanë paralajmëruar disa herë shpalljen e zgjedhjeve, ndërsa vetë Vuçiç ka deklaruar se do të tërhiqet nga posti i presidentit para përfundimit të mandatit të tij në prill të vitit 2027.