Diskriminimi i Serbisë ndaj komunitet shqiptar në Luginën e Preshevës ka prekur kufijtë e racizmit, thotë kryetari i Këshillit Kombëtar Shqiptar, Nevzad Lutfiu. Në një intervistë dhënë KosovaPress, ai thotë se jeta e shqiptarëve në këto tri komuna nuk i ngjason asaj të një qytetari të rajonit. Lutfiu: Diskriminimi i Serbisë ndaj komunitetit shqiptar ka prekur kufijtë e “Diskriminimi i shtetit të Serbisë ndaj komunitetit shqiptar në Serbi i ka prekur kufijtë e racizmit. Për shkak që trendi i diskriminimit nuk është që po ndalon, por vazhdimisht po rritet. Dhe për këtë arsye jo vetëm që po vështirëson punën tonë institucionale, por jashtëzakonisht po vështirëson edhe jetën e qytetarëve shqiptarë në këtë vend. Kur them që diskriminimi ka prekur kufijtë e racizmit, unë i kisha dhënë disa fakte përmes së cilës e argumentojmë këtë pjesë. Vetëm në shkollat serbe, vetëm në Bujanoc, Serbia është duke bërë 5.3 milionë euro investime. Ndërkohë shkollat shqipe në Luginën e Preshevës janë në një gjendje të tmerrshme dhe ka zero investime në ato shkolla”