Është kremtuar edhe këtë 28 qershor përvjetori I betejës së humbur nga serbët në Gazmestan të Kosovës635 vite më parë, nën ruajtjen nga Policia e Kosovës. Ashtu edhe sin ë vitet e tjera, edhe në këtë përvjetor nuk munguan provokimet nga serbët, të cilët ishin kujdesur të pajiseshin me bluza e simbole nacionaliste. Gjatë mbajtjes së kësaj feste, në të cilën nuk u lejua të marrë pjesë kreu I zyrës për Kosovën në Qeverinë serbe, Petar Petkoviç, krahas simboleve të përdorura, pjesëmarrësit bënë thirrje provokuese si “Kosova është Serbi”. Policia ka konfiskuar bluzat me simbole provokuese, si dhe ka shoqëruar një person në stacionin policor. Provokimet nuk kanë përfunduar as gjatë mbajtjes së fjalimeve. Mitropoliti i Kishës Ortodokse Serbe në Mal të Zi, Joanikije tha se “Kosova është Jerusalemi serb”. Në shënimin e Vidovdanit, peshkopi Joanikije foli mbi betejën e humbur të Kosovës në vitin 1389.