Apeli i Gjykatës së Posaçme vendosi t’i sekuestrojë ish kryetarit të Himarës, Jorgo Goro një apartament prej 81 metra katrorësh në Vlorë. Trupi gjykues vendosi të pranojë kërkesën e spak për t’I vendosur në sekuestro preventive këtë pronë Jorgo Goros ndaj të cilit janë vendosur dy masa sigurie arrest me burg. Ish-kryebashkiaku dyshohet se ndikoi në tjetërsimin e një sipërfaqeje prej 5512 metrash katrorë tokë duke e regjistruar në kadastër në kundërshtim me ligjin. Po ashtu ai dyshohet se shpërdoroi detyrën duke I dhuruar katër dynym tokë Arqile Bollanos. Jorgo Goro insiston se nuk e ka shpërdoruar detyrën në të dyja rastet. Por SPAK pretendon se ka mbivendosje pasurish. Jorgo Goro u prangos pas kallëzimit të bërë nga Ferdi Belero që po ashtu mbahet në burg. Arrestimi I tyre futi në ngërç bashkinë e Himarës që mbeti pa kryetar. Më katër gusht në këtë bashki do të zhvillohen zgjedhjet për kryebashkiuakun e ri.