Një sasi e konsiderueshme, konkretisht rreth 400 kilogramë lëndë narkotike kanabis dhe një sasi e vogël hashashi, janë kapur gjatë kontrollit në një mjet lundrues që kishte si destinacion Italinë. Operacioni është zhvilluar nga ministria e Brendshme në bashkëpunim me Frontex. Për këtë ngjarje, është vënë në pranga 30-vjeçari nga Vlora, E. I. mjete është pikasur në përpjekje për t’u nisur drejt Italisë, ku do të mbërrinte droga. “Në kuadër të Marrëveshjes ndërmjet Ministrisë së Brendshme dhe Frontex, për kontrollin e kufijve detar, gjatë një operacioni antidroge të përbashkët mes Frontex-it, GDF italiane dhe Policisë shqiptare, për parandalimin dhe goditjen e trafiqeve të paligjshme, është bërë e mundur goditja e një tentative për trafik ndërkombëtar të lëndëve narkotike”, thuhet në njoftimin e policisë. Kjo është sasia më e madhe e kanabisit e kapur gjatë përiudhës së fundit, në përpjekje për t’a trafikuar atë drejt Italisë, që mbetet një nga destinacionet kryesore të trafikantëve shqiptarë të drogës. Vemendja e policisë shqiptare gjatë kësj periudhe është përqëndruar në zbulimin e zonave ku kultivohet kanabis me qëllim asgjesimin e tyre.