Një 31-vjeçar në fshatin Mafsheq të Krujës, është arrestuar, pasi së bashku me një 16 vjeçar, i cili është nën hetim, dhe me një 20-vjeçar, i cili është shpallur në kërkim, kishin përshtatur një ambient për tharjen e bimëve narkotike. Gjatë kontrollit në këtë ambient, shërbimet e Policisë gjetën rreth 11 kg lëndë të dyshuar narkotike kanabis dhe disa bimë në proces tharjeje, të cilat u sekuestruan në cilësinë e provës materiale, së bashku me 1 armë zjarri, që u gjet e fshehur gjatë kontrollit të ambientit në afërsi të bimëve narkotike. Si rezultat i operacionit policor të koduar “Outside”, u bë arrestimi në flagrancë i shtetasit A. M., 31 vjeç, banues në Domje, nisi procedimi në gjendje të lirë për një të mitur 16 vjeç, dhe u shpall në kërkim shtetasi O. C., 20 vjeç, të dy banues në Fushë Krujë. Këta 3 shtetas kishin përshtatur një ambient në afërsi të banesës së shtetasit A. M., në fshatin Mafsheq, për tharjen e bimëve narkotike. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.