Autoriteti Kombëtar i Ushqimit ka bllokuar mbi 4 mijë kilogramë produkte bulmeti në një baxho në qarkun e Fierit, pas konstatimit të disa shkeljeve gjatë një kontrolli zyrtar. Ndaj subjektit është vendosur gjithashtu një gjobë administrative në vlerën 250 mijë lekë. Gjatë inspektimit u evidentua se subjekti ushtronte aktivitetin në mungesë të sistemit të gjurmueshmërisë së produkteve ushqimore, nuk kishte implementuar sistemin e vetëkontrollit dhe tregtonte produkte pa etiketë. Si pasojë, autoritetet vendosën masën e bllokimit për një sasi të konsiderueshme produktesh të cilësuara si të pasigurta për konsum. Konkretisht, u bllokuan 1,400 kg krem gjalpi, 2,415 kg moxarella, 90 kg gjalpë i freskët lope, 100 kg gjizë dhe 18 kg moxarella në kova. Sipas AKU-së, produktet e pasigurta janë bllokuar me qëllim asgjësimin e tyre. ​