Frika është rritur mes ekspertëve të inteligjencës se rrjedhja e sekreteve nga ushtria gjermane mund të jetë vetëm maja e ajsbergut ndërsa paralajmërojnë se sekretet e NATO-s mund të jenë kompromentuar. “Rrjedhja mund të jetë vetëm maja e ajsbergut”, tha August Hanning, ish shef i inteligjencës gjermane për tabloidin Bild. Eksperti i inteligjencës shton se ai mendon se rusët mund të kenë dëgjuar akoma më shumë se një bisedë 38 minutëshe mes zyrtarëve të lartë ushtarakë gjermanë. Kancelari gjerman, Olaf Sholz, sipas tij, po përdoret nga rusia pasi kjo e fundit e ka identifikuar gjermaninë si pika më e dobët e aleancës perëndimore. Qeveria gjermane ka hedhur poshtë aludimet se rrjedhja e sekreteve është një tregues se berlini po përgatitet për luftë kundër rusisë. E në të njëjtën kohë, ajo është përpjekur të minimizojë dëmin e shkaktuar duke premtuar një hetim të shpejtë për faktin se si biseda është përgjuar dhe publikuar. Është absolutisht e qartë se kjo është një luftë informacioni e rusisë kundër perëndimit dhe se qëllimi është që të shkaktojë përcarje në perëndim – tha kancelari gjerman. Zakonisht, sipas analistëve të inteligjencës, operacionet e suksesshme të përgjimit nuk bëhen publike në mënyrë që të mos dëmtohet burimi. Por, pas kësaj rrjedhjeje të fundit, tani moska është e sigurt se scholz nuk do ti dërgojë më raketat taurus në ukrainë. Gjermania tani po shihet si e pabesueshme nga aleatët, në mënyrë të vecantë nga Britania e Madhe.