Shkencëtarët të mërkurën vulosën copa të lashta akulli në një strehë të parë të këtij lloji në Antarktidë me shpresën për të ruajtur këto të dhëna që zhduken me shpejtësi të klimës së kaluar të Tokës për shekujt që do të vijnë. Dy bërthamat e akullit të marra nga Alpet e Evropës janë të parat që ruhen në një shpellë bore të ndërtuar posaçërisht në kontinentin e ngrirë që një ditë duhet të strehojë një arkiv të paçmuar nga e gjithë bota. E vendosur në Stacionin Concordia në 3,200 metra lartësi, në zemër të Antarktidës, streha e akullit do ta mbrojë koleksionin në një magazinim natyror të ftohtë në minus 52gradë Celcius pa pasur nevojë për frigorifer. Bërthamat e akullit hedhin dritë mbi kushtet klimatike të mijëvjeçarëve të kaluar, dhe këto mostra mund të ndihmojnë shkencëtarët e së ardhmes të zbulojnë misteret e tyre shumë kohë pasi vetë akullnajat të jenë shkrirë.