Pa u mbushur mirw java qw kur administrate Biden nisi punwn, në Pentagon po ndodhin ndryshime thelbësore. Presidenti i ri i Shteteve të Bashkuara dhe Sekretari i ri i Mbrojtjes Lloyd Austin po përpiqen të zhbëjnë me shpejtwsi politikat e ndërmarra nga ish-Presidenti Donald Trump, thotw VOA. Me një firmë të vetme, i rrethuar nga zyrtarë të lartë ushtarakë, Biden shfuqizoi një nga politikat më tw diskutuara të paraardhësit të tij - ndalimin e transgjinorëve për të shërbyer në ushtri. "Po iu mundësoj të gjithë amerikanëve të kualifikuar t'i shërbejnë vendit të tyre në uniformë", tha presidenti. Në Twitter, Sekretari i Mbrojtjes Lloyd Austin e vlerësoi urdhrin, duke e quajtur atë jo vetëm veprimin e duhur, por dhe një lëvizje të zgjuar. Urdhri ekzekutiv i së hënës është hapi më i fundit i administratës së re për të ndihmuar ushtrinë amerikane të ndryshojë kurs. Por përparimi lidhur me problemin në rritje të ekstremizmit – që u dëshmua nga një numër i ish-anëtarëve ushtarakë që morën pjesë në sulmin e Kapitolit - - mund të jetë më i vështirë. Sekretari Austin po përballet gjithashtu me sfida të tjera, pasi ka premtuar të ndihmojë në përgjigjen ndaj pandemisë së koronavirusit. Ai gjithashtu ka kontaktuar aleatët kryesorë… ndërsa afron afati për të bërë zgjedhje kritike për praninë në Irak dhe Afganistan, ku numri i trupave amerikane është në nivelet më të ulëta …dhe në Afrikë, ku prania ushtarake amerikane gjithashtu është zvogëluar.