Kjo e enjte shënon edhe seancën e fundit plenare për këtë session parlamentar dhe një prej pikave të rendit të ditës është votimi për dekretet e presidentit Bajram Begaj për ndryshimet në kabinetin qeveritar. Por lidhur me njoftimin e Kuvendin për seancën plenare ka reaguar edhe Enkelejd Alibeaj, në emër të Grupit Parlamentar të Partisë Demokratike. Përmes një dokumenti të dorëzuar në Kuvend, Alibeaj kërkon debat në seancën për ndryshimet e fundit në qeveri. Sipas tij, Edi Rama udhëron votimin pa debat. Edhe pse është e shkruar qartë në nenin 110 të Rregullores që sanksionon se Kuvendi ia nënshtron debatit parlamentar përbërjen e qeverisë. "Asnjë deputeti, – thotë neni 46 i Rregullores", që dëshiron të diskutojë për një cështje të rendit të ditës, nuk mund t’i hiqet e drejta e fjalës – thuhet në dokumentin me firmën e Alibeajt. "