Kryebashkiaku i Tiranës, Erion Veliaj kërkoi transparencë të plotë nga Gjykata Administrative, ditën kur shqyrtohej padia e tij ndaj prokurorit të SPAK, Olsi Dado, i cili sipas Veliajt është emëruar në vitin 2008 në shkelje të ligjit, pa përfunduar shkollën e magjistraturës. Në mbështetje, të kryebashkiakuat në sallën e gjyqit shkoi aktori i madh i skenës shqiptare, Robert Ndrenika së bashku me Gazment Pajën. Pasi gjykata vendosi të largojë nga salla kamerat, kryebashkiaku u ndal tek hetimet që prokurori Dado ka kryer ndaj tij, dhe arsyet se përse ai do të duhet të legjitimohet si palë në këtë proces. Në fjalën e tij, kryetari i bashkisë së Tiranës nënvizoi se nga ana e SPAK është kontrolluar çdo aspekt i jetës së tij, çdo dimension personal dhe familjar i tij, një lloj vetting jo administrativ, por penal, që sipas tij ëshë jashtë çdo standardi normal propocionaliteti.