Vetëm pak minuta më parë u mbyll seanca e jashtëzakonshme e Kuvendit, që shënoi edhe mbylljen e këtij sesioni parlamentar. Në rendin e ditës ishin ndryshimet në Qeveri, ku deputetët votuan shkarkimin e Arben Ahmetajn dhe emërimin në kabinetin e Ramës të Belinda Ballukut si zëvendëkryeministre dhe dhe Majlinda Dhukës ministre e shtetit. Tre dekrete me firmën e presidentit Bajram Begaj për ndryshime në kabinetin qeveritar morën miratimin e deputetëve të Kuvendit. Këtë të enjte, kryetarja e kuvendit, Lindita Nikolla thirri një seancë të jashtëzakonshme plenare, që ishte edhe e fundit për këtë sesion parlamentar, për të votuar për të fundit herë në këtë sezon politik. Në rend të ditës ishte shkarkimi nga detyra i Arben Ahmetajt, si zëvendëskryeministër dhe ministër i shtetit për rindërtimin si dhe emërimi i Belinda Ballukut si numri dy i qeverisë dhe Majlinda Dhukës në postin e ministres së shtetit dhe kryenegociatores për rrugëtimin e Shqipërisë në Bashkimin Europian. Me 76 vota pro Majlinda Dhuka është votuar si ministre e Shtetit, ndërsa po kaq vota pro mori edhe Belinda Balluku si zv.kryeministre.