Shërbimi ukrainas i sigurisë i ka dhënë CNN pamjet ekskluzive që tregojnë momentin në korrik, kur ata përdorën një dron eksperimental ujor për të sulmuar urën e rusisë në krimenë e aneksuar, duke ofruar detaje të reja mbi sulmin e duke paralajmëruar se akoma më shumë sulme të tilla do të pasojnë. Kjo ishte hera e parë që SBU e Ukrainës mori përsipër përgjegjësinë për një operacion të tillë. Sulmi më 17 korrik shkaktoi dëme në të dyja anët e rrugës, mbi urë, dhe sipas zyrtarëve rusë vrau dy civilë. Ky ishte sulmi i dytë mbi urë dhe tregoi se sa e vështirë është që të mbrohet lidhja e vetme e rusisë me gadishullin. Ura u inaugurua me shumë bujë nga presidenti rus Vladimir Putin në 2018-ën dhe ajo është simbol i dëshirës së tij për të marrë nën kontroll ukrainën dhe për ta thyer atë përgjithnjë përballë rusisë. Ura është një lidhje shumë e rëndësishme edhe për operacionet e ushtrisë ruse në krime.